На 22 Мај 2023 година имавме чест да го пречекаме заменик-амбасадорот Фил Андерсон од Австралиската амбасада за Србија, Северна Македонија и Црна Гора и почесниот конзул на Австралија Зоран Костовски.

За време на средбата имавме можност да ги презентираме резултатите и препораките од нашиот проект “Pelagonija Rural Woman Training”, фокусиран на зајакнување на руралните жени и поттикнување на социо-економскиот развој во Пелагонија.

Заменик-амбасадорот Андерсон и почесниот конзул на Австралија Зоран Костовски покажаа голем интерес и благодарност за нашите достигнувања, препознавајќи го позитивното влијание што го направивме во заедницата. Средбата беше одлична можност да се разговара за идните иницијативи и стратегии за понатамошно унапредување на развојот на регионот.

За време на средбата ја имавме честа да бидеме домаќини и на нашиот почитуван градоначалник Борче Јовчески. Присуството на градоначалникот Јовчески ни овозможи директно да му ги презентираме препораките и наодите од нашиот проект, нагласувајќи ја важноста од нивно интегрирање во развојот на идните политики и стратегии за регионот.

Дополнително, ни беше чест што две извонредни жени и членови на организацијата Feel Krushevo кои учествуваа во нашите обуки ги сподели ја своите инспиративни искуства. Нивните приказни ја докажаа нашата посветеност и послужија како доказ за важноста на зајакнувањето на жените во руралните области.

Ја упатуваме нашата срдечна благодарност до Австралиската амбасада за нивната континуирана поддршка и доверба во нашата организација. Заедно, посветени сме на поттикнување позитивни промени и создавање посветла иднина за жителите на Пелагонија.