Параглајдерство

Параглајдерството е спорт кој ја спојува слободата на летањето со природата, прецизноста и врвната пилотска вештина. Тоа претставува уникатна авантуристичка дисциплина која овозможува летање со лесно летало параглајдер, искористувајќи ги воздушните струења и природните услови, без употреба на мотор.

Овој спорт бара високо ниво на техничко знаење, концентрација и одговорност, но истовремено нуди незаменливо чувство на слобода, адреналин и поврзаност со просторот. Параглајдерството е достапно за различни возрасни групи и се практикува како рекреативно, натпреварувачко и професионално летање.

Посебно место во параглајдерството зазема прецизното слетување, дисциплина која комбинира контрола, стабилност и исклучителна точност. Натпреварите во оваа дисциплина ја истакнуваат техничката извонредност на пилотите и ја прават атрактивна и за публиката.

Преку долгогодишна организација на национални и меѓународни параглајдерски настани, ИНОС активно придонесува кон развојот, промоцијата и интернационалната видливост на параглајдерството во Македонија и регионот. Нашата мисија е да го поддржиме спортот како платформа за безбедно летање, спортски дух, меѓународна соработка и активен туризам, истовремено поттикнувајќи ја љубовта кон природата и одржливото користење на природните ресурси.

ИНОС беше дел од организацијата на следните параглајдинг настани:

• Предевропски куп, Охрид – 2011
• Параглајдинг Славонски Опен XC, Крушево – 2011
• Европско првенство во прецизно слетување со параглајдер, Охрид – 2012
• Параглајдинг Опен – Прецизно слетување, Прилеп – 2013–2020 (8 пати)
• Европски куп во прецизно слетување со параглајдер – 2019, 2020, 2021 (3 пати)
• GIN Wide Open – 2018, 2020, 2022, 2024 и 2025 (5 пати)